Cubainformación / Fotos Luisa Cuevas Raposo.- “A perspectiva do 213 aniversario da revolución de Venezuela pola independencia, entréganos unha visión daquel 19 de abril coma un proceso histórico que por fin transforma a rebeldía en leis para o povo, a partir de Hugo Chávez”, dixo en Vigo Martín Pacheco Murillo, Cónsul Xeral da República Bolivariana na Galiza, perante a estatua de Simón Bolívar na rúa de Venezuela.
Acompañado dos cónsules Farruco Sesto Novás e Suyín Fernandez, Pacheco invitou as persoas congregadas a entoar o Himno de Venezuela e deitou unha coroa aos pés da estatua de Bolívar. Nun breve parlamento, celebrou o momento categórico de independencia de Venezula no que a defensa da legalidade Internacional e a esixencia do cese do cerco imperial marcan un novo tempo.
O Cónsul xeral agradeceu a presenza de Pedro Mouriño, cónsul honorario da Federación Rusa na Galiza e saudou as representacións do BNG, EU, En Marea e do PCPG así como da CIG, AGABO e a Francisco Villamil.