Asociación de Amizade Galego-Cubana "Francisco Villamil".- O próximo sábado, 13 de agosto ás 20:00 hs terá lugar un acto de homenaxe a Fidel Castro Ruz, líder histórico da Revolución Cubana que, nese dia celebra o 85 aniversario do seu nacemento.
CARTEL EN EL INTERIOR
Vai ser na Escola Popular Galega, na Rúa Real, 12 (baixo). Vigo - Galiza e nel falará: Alejandro Fuentes Hernández, Cónsul Xeral da República de Cuba en Galiza.
Organizan: Partido Comunista do Povo Galego (PCPG) e o Ateneu Proletário Galego
Colaboran: Asociación de Amizade Galego-Cubana "Francisco Villamil" e os Centros Sociais: Faísca, Bou Eva e Revolta.
"Fidel: Companheiro, Comandante, Amigo:
Ante a data próxima do teu 85 aniversario, os e as galegas/os que loitamos por un mundo melhor e máis xusto queremos saudarte do melhor xeito que sabemos e podemos:
Para nós, celebrar esta data vai ser umha maneira de expresar o noso reconhecimento, gratitude e admiración coa túa inigualábel traxectoria, extensiva á túa obra, a Revolución Cubana que despois de 52 anos segue firme á vangarda dos povos do mundo no camiño certo da emancipación social e a liberación nacional, na construción do socialismo.
Os povos e traballadores de todas as nacións do mundo estamos nun momento caracterizado por enormes desafíos para o noso porvir e mesmo para a salvación do planeta. Reviste especial impòrtancia como avanzar e erguer forzas de auténtico progreso, libertadoras, revolucionarias, agora que é tan preciso e á vez existe confusión e mesmo dispersión das forzas do povo traballador.
Ben sabemos que non hai receitas e por iso estamos con todas as nosas forzas na actividade política e social, na elaboración teórica no marco da batalha de clase e de ideas contra este explotador insostibel e arcaico sistema capitalista, na súa fase imperialista.
A Revolución Cubana que ti contribuiches a criar, o seu exemplo, en todas as súas etapas, a súa vitória en tantas frontes continúa a ser, para nós galegos/as e para todos os povos do mundo, unha fonte insubstituíbel de ensinanzas. Nunca para repetir nin copiar esquemas, mais tampouco para descartar principios senón para afirmalos.
O teu nome e o de tantos e tantas revolucionarios/as cubanas/os están hoxe presentes no noso pensamento e nos nosos corazóns cando nos estremecemos polos sufrimentos e miserias que nos impón a brutalidade do capitalismo e a súa bestialidade imperialista.
A vosa loita heroica, exemplar nese combate universal por abrir as portas agora fechadas á luz lémbrannos todos os días a dureza extrema do combate. Mais estamos aí custe o que custe..Non temos alternativa.
Queremos ser dignos das túas consignas ou palabras de orde:
Patria, Socialismo ou morte! Venceremos! Nada é imposibel para os que loitan!. Umha idea xusta desde o fundo dumha cova vale máis do que un exército! Até a vitoria sempre!
Desde a Terra que viu nacer ao teu pai e aos teus antepasados dicímosche:
Parabéns no teu 85 aniversario, Fidel.
Galiza está contigo e coa Revolución Cubana!.
Viva Cuba Socialista!
Comandante, ordene!!"
Saúdos revolucionarios e internacionalistas
