Maria Araújo, dous combates, umha mesma luita é a legenda da iniciativa que se desenvolverá ao longo do domingo 13 de outubro .
Ato político, oferta floral e jantar de confraternizaçom
Às 13 horas na praça da Constituiçom de Redondela terá lugar um ato político no que intervirám Eva Cortinhas, em representaçom da Mesa Nacional de BRIGA e Gustavo Luca de Tena pola Associaçom de Amizade Galego-Cubana Francisco Villamil.
Rebeca Bravo, porta-voz nacional de NÓS-UP encerrará o comício que será amenizado com a voz e a música do cantor-compositor Tino Baz.
Posteriormente, às 14.30 h, na ponta da praia de Cesantes, a poucos metros da ilha de Sam Simom, que durante anos foi um campo de concentraçom, terá lugar umha oferta floral às vítimas do fascismo.
A jornada finalizará com um jantar de confraternizaçom. Para poder assistir cumpre reservar lugar no telefone 669 778 474 ou bem no co-e da Unidade Popular.
Caderno biográfico de Maria Araújo
NÓS-Unidade Popular editará um caderno com a biografia da revolucionária comunista galego-cubana, no que também se reproduzirá umha entrevista realizada em 1975, asssim como o testimónio da sua filha, a dirigente feminista e comunista cubana Dora Carcanho.
Homenagem a Lola e José
Seguindo a tradiçom a Assembleia Comarcal de NÓS-UP de Trasancos realizará no cemitério de Meirás, em Valdovinho, umha oferta floral para lembrar à militante do Exército Guerrilheiro do Povo Galego Ceive (EGPGC) Lola Castro Lamas “Mariana”, quem acompanhada por José Vilar Regueiro “Marcos”, falecia na madrugada de 11 de outubro de 1991, ao fazer-lhes explosom acidentalmente um artefacto destinado a combater os interesses do narcotráfico na Galiza.
