Asociación de Amizade Galego-Cubana Francisco Villamil - Fotos Luisa Cuevas Raposo.- Con motivo da votación na ONU da resolución condenando o bloqueo a Cuba, celebrouse unha concentración en Vigo o sábado 28 de outubro.
Ver este mismo video en YouTube
A continuación, un mensaje desde La Habana de Erea del Rio Iglesias, presidenta de la Asociación de Amizade Galego-Cubana Francisco Villamil, y de Ana Miranda Paz, diputada gallega en el Parlamento Europeo, apoyando esta acción solidaria:
Leeuse o seguinte manifesto:
MANIFESTO DE APOIO Á RESOLUCIÓN 77/7, “Necesidade de poñer fin ao Bloqueo Económico, Comercial e Financeiro imposto polos Estados Unidos de América contra Cuba”, QUE CUBA SOMETERÁ A VOTACIÓN NA ASEMBLEA XERAL DAS NACIÓNS UNIDAS OS VINDEIROS 1 E 2 DE NOVEMBRO
O bloqueo contra Cuba é un acto de xenocidio.
O bloqueo económico, comercial e financeiro é o elemento central que define a política dos Estados Unidos para Cuba desde hai más de 62 anos.
Os efectos desta guerra non declarada contra a economía, a sociedade, a vida cotiá e os soños de progreso de máis de 11 millóns de cubanas e cubanos non cesaron nin por un día. Máis do 80 % da poboación da illa só coñeceu unha Cuba baixo bloqueo.
Durante todo o mandato de Biden, a caza e acoso de parte do goberno de Washington contra os intercambios financeiros de Cuba, afectou todos os sectores da economía, agravando os danos causados por catástrofes naturais amosando a súa carencia de calquera consideración humanitaria.
O resultado deste conxunto de censuras e ameazas contra os tratos do goberno cubano co resto do mundo, deixaron un ronsel de perdas de contratos, relacións comerciais estragadas e débedas e demoras en envíos e entregas de mercadorías, entre outros danos para a economía e a vida diaria do país.
Desde o 1º de marzo do 2022 ao 28 de febreiro de 2023, os danos causados polo bloqueo de EE.UU á economía cubana eleváronse a máis de medio millón de dólares por cada hora que pasa. De non ser o bloqueo, o PIB de Cuba podería ter medrado ata un 9% no 2022.
Esta información de danos causados pola política de cerco total decretada polo goberno dos EUA, será sometida, os vindeiros 1 e 2 de novembro, á sanción da Asemblea Xeral da ONU que dende hai 31 anos apoia o pleno dereito de Cuba a se gobernar de seu, sen multas nin interferencias ilegais.
A Asociación de Amizade Galego-Cubana Francisco Villamil reclama solidariedade para o goberno e o pobo de Cuba poderse librar desta peste do bloqueo, exixindo que o Goberno do Estado español apoie na ONU esta Resolución presentada por Cuba.
Manifestamos asemade o noso apoio ao Tribunal Internacional contra o Bloqueo que se realizará en Bruxelas os días 16 e 17 de novembro.
O bloqueo é unha violación do dereito internacional e un nefando recurso de forza contra un pobo soberano que ten probado a súa vontade inequívoca de autodeterminación.
O goberno máis armado do mundo rodea unha illa do Caribe, sen grandes recursos. Mais, grande é a razón de Cuba!
Viva Cuba Socialista!
En Vigo, Galiza, o 28 de outubro de 2023
Asinan:
Asociación de Amizade Galego-Cubana “Francisco Villamil” e as organizacións seguintes:
Agora Galiza – Unidade Popular
Agrupación Xosé Velo
Asemblea Republicana de Vigo
Asociación Galego-Bolivariana Hugo Chávez
Bloque Nacionalista Galego
Central Unitaria de Traballadoras
Confederación Intersindical Galega
Esquerda Unida
Mar de lumes – Comité Galego de Solidariedade Internacionalista
Partido Comunista de Galicia
Partido Comunista do Povo Galego
Partido Comunista dos Traballadores de Galiza
Partido Comunista pola República Galega
Plataforma Galega pola Terceira República
